Бугарија одговори на македонските провокации, слични како оние со Грција, со непосредно распоредување на војници на границата со псевдодржавата, пишува денеска грчкиот весник “Елевтери Ора“, пренесува Нетпрес.

Без приказни, без изговори, без “дијалози“ и други останати глупости. Весникот коментира дека пораката е закодирана во курсот на Софија: “Груевски стој мирно, или...“.

За „етногенезата“, нацијата и сличните куриозитети

Најголемиот адут на Македонија во прашањето за името е правото на самоопределување, а не докажувањето на античките корени. Но, дали немаме доволно капацитет кај специјалистите по меѓународно право, па оставивме оваа битка да ја водат недоучени историчари, кои однапред се осудени на пораз?

Историчарите кои „Дневник“ ги контактирал за мислење по ТВ-дуелот на „А2“ за прашањето колку сме Словени, а колку антички Македонци, не го дале своето мислење со оправдување дека не го гледале дуелот! Не знам за кои историчари станува збор, но очигледно е дека постои страв да се искаже своето мислење. Од што се плашат контактираните историчари - не знам, но знам дека дуелот утредента беше достапен на интернет-страницата на „А1“ и јас, иако живеам надвор од Македонија, го гледав. Чудно што на историчариве не им текнало за оваа опција. Не сме барем до толку античко општество да не помислиме на интернетот како решение за испуштената многу важна емисија, која ни дава јасна слика за еден важен елемент на нашата политика, која ја креира нашата иднина.