Зошто на мажите им е полесно да ги раздвојат љубовта и сексот?
Во многу студии се тврди дека жените се поспособни од мажите за “мултитаскинг“, односно истовремено успешно да извршуваат повеќе задачи. Не би се согласил во целост со ваквите тврдења, бидејќи знам дека мажите можат да бидат длабоко вљубени во една жена, а без какви и да било проблеми да имаат секс (и тоа успешно) со уште две други, а ако тоа не е “мултитаскинг“, не знам што е!?
Шегите настрана, еве ја мојата теорија зошто на мнозинство мажи ни малку не им пречи секс без љубов. Можеби е веќе позната ама јас сепак би сакал да ги изложам моите мислења.
Значи, кај мажите првите сексуални искуства се рудиментирани, едноставни и еднострани, без физички контакт со друго човечко суштество. При тоа единствениот мотив е постигнување задоволство на физички план, додека емоциите се целосно исклучени. Значи се работи за навика и тоа навика која е веќе всадена во биолошкиот код низ многуте генерации и индивидуална навика создадена во текот на неколку години “успешни соло мисии“, се до првото сексуално искуство со друго човечко суштество. Исто така биолошкиот инстинкт за задоволување на сексуалните потреби е доста силен, а мажите и не се толку пребирливи.
Додека кај жените, благодарение на тоа што сексот се до пред неколку години бил табу тема, како и не толку добрата позиција на жената во општеството, првото сексуално искуство се случува задолжително во присуство на друго човечко суштество во собата (или на дрвото, јахта, има разни варијанти, во повеќе “едукативни“ филмови) при што се воспоставува интерактивен однос помеѓу двете страни. Она што е важно е дека вклучени се емоции, односно се работи за некој што жената го љуби (доколку не е така тогаш се работи за “општествено непожелна појава“ каде последица било појава наречена каменување, или тоа или се работело за “наместен“ брак). Жените имаат и далеку поголема волја за воздржување од мажите на сексуален план, иако ова е општестевено предетерминирана појава бидејќи се работи за она “што ќе каже народот“, ако некоја девојка се одаде на секс и задоволство со кого било.
Заклучок: се работи за биолошки и општествено предетерминирана појава, а не дека ние мажите по природа сме свињи. Од друга страна ако не сме такви вие жените и не би не сакале толку многу.

Од http://mkestradafoto.blogspot.com