Интернационалниот Фестивал на Филмска Камера “Браќа Манаки”, кој е во организација на Друштвото на филмски работници на Република Македонија - ДФРМ ќе се случи по 27ми пат. Фестивалот почнува на 26. Септември и ќе трае се до 01. Октомври.

Стожер на фестивалската програма е “Камера 300” – официјалната компетиција на долгометажни филмови од најновата европска и светска продукција. Директорите на фотографија на филмовите кои учествуваат во оваа програма се натпреваруваат за Златна, Сребрена и Бронзена Камера 300. Тоа се официјални фестивалски награди што ги доделува интернационално жири составено од пет члена.

photo © poster

Оваа година во оваа програма се вклучени филмови од повеќе држави, САД, Германија, Полска, Бугарија, Србија, Белгија, Шведска, Канада, Русија, Данска, UK како и филмови од Република Македонија. Фестивалот ќе биде отворен со прекрасниот "V for Vendeta", кој е Американско-Германска ко-продукција, додека македонскиот „Тајната Книга“ ќе го затвори овогодишниот 27ми по ред филмски фестивал Манаки. Програмата е комплетирана со следниве филмови:

"The Boy on a Galloping Horse" (Poland)
"Tomorrow Morning" (Serbia)
"C.R.A.Z.Y." (Canada)
"A Soap" (Denmark)
"Tough Enough" (Germany)
"Christmas Tree Upside Down" (Bulgaria, Germany)
"Dreaming of Space" (Russia)
"The Road to Guantanamo" (Great Britain)
"The Beat that My Heart Scipped" (Belgium)
"About Sara" (Sweden)

Во жири комисијата на овогодишниот фестивал седат:

Fabio Cianchetti, Италија, кинематограф
Dr. Martin Blaney - Велика Британија, филмски критичар
Martin Gschlacht, Австрија, кинематограф
Срѓан КАРАНОВИЌ, Србија, режисер
Владимир БЛАЖЕВСКИ, Македонија, режисер

Покрај официјалната компетиција, дел од фестивалот и припаѓа на програмата на краток филм, која нема натпреварувачки карактер и прикажува селекција од најдобрите остварувања на филмската продукција од последните две години. Исто така во склоп на овој фестивал е и “Студентската Програма Браќа Манаки” која е посветена на младите таленти – студенти на филмски академии и школи во целиот свет. Во рамките на Фестивалот, како пропратни настани се организираат работилници, семинари, дебатни сесии, изложби...

photo © N.A.

Фестивалот доделува Награда за животно дело Златна Камера 300, што е резервирана за водечки во светот кинематографери. До сега, лауреати во Клубот на Великаните се: Виторио Стораро, Вадим Јусов, Раул Кутар, Тонино Дели Коли, Мирослав Ондричек, Анри Алекан, Фреди Френсис, Јиржи Војчик, Свен Никвист. Оваа година наградата за животно дело оди во рацете на Michael Ballhaus.

27ми филмски Фестивал Браќа Манаки
26.09.2006 - 01.10.2006
http://www.manaki.com.mk