"Ова не е нешто за кое се зборува многу, но вработен со сексуална зависност може многу да ја чини својата фирма не само со намалена продуктивност, туку и со загуба од милионски суми." - објаснува Даглас Вајс, извршниот директор на центарот Heart to Heart Counseling од Колорадо Спрингс.

-Што всушност е сексуална зависност?
-Сексуалниот зависник, исто како и алкохоличарот или зависникот од дрога или од храна, го користи сексот да го залечи своето минато. Сето тоа станува претерано до размери со кои се одразува во неговиот живот.

-По што оваа зависност се разликува од нормалната сексуална желба?
-Оној кој не е зависник од секс е во врска со сексуалниот партнер. Зависникот е оној кој не е во врска и лицето со кое има секс го смета за објект. Истотака, поради импулсивноста на оваа зависност трпи работата и семејството на зависникот додека тој ги задоволува своите навики.

-Како се одразува сексуалната зависност на работното место?
-Со загубено време и намалена продуктивност. Најчесто порнографијата се симнува од Интернет од 9 наутро до 5 попладне, што значи тие тоа го прават од работа. Секоја фирма треба да има блокер за порнографија на својата Интернет конекција. Некои од овие луѓе за време на работа одат на стриптиз шоу. Плус, ако ги објективизираат жените има поголеми шанси за сексуално малтретирање на работа и покренување обвиненија. Тоа може да го чини бизнисот милион долари и е многу сериозна закана.

-Кои се тие знаци кои укажуваат на оваа зависност и кои треба да ги знае работодавецот?
-Најлесен начин е да се има увид во посетата на порнографските сајтови. 90% од секс зависниците се зависни од порнографија. Други знаци се времето за кои немаат покритие и необјаснивите изнајмувања на филмови во хотелите додека се на службен пат, трошејќи и по 30 долари на филмови во една ноќ.

-Колку е раширена оваа состојба?
-Пред 10 години, кога Интернетот не беше толку застапен, само 6% од Амерканците беа регистрирани како зависници. Сега со лесниот пристап до порнографија 20% од мажите се зависници. Жените истотака може да станат зависници, но зависноста е повеќе својствена за мажите.

-На што се должи зависноста од секс?
-Повеќето од нив биле жртви на сексуална злоупотреба-повеќе од 80%- значи почнува уште од детството. Плус ако некој мастурбира на порнографија, тој ќе продолжи да бара неанимирани објекти во текот на својот живот понатаму. Истотака, зависноста е застапена и кај луѓе кои потекнуваат од семејства со нарушени семејни односи или семејства со други зависности.

-Како се третира?
-Работиме со телефонски советувалишта. Лекувањата со сместување се многу скапи. Некои лечења на амбулантска база вклучуваат и полиграфи, со кои му докажуваме на работодавецот дека лицето повеќе не претставува ризик. Постојат и групи за подршка како Freedom Groups, Sex Addicts Anonymous и Sexaholics Anonymous.

-Колку време трае третманот?
-Добри резултати со групите може да се забележат за 3-6 месеци. Се смета дека е потребно е околу година дена да почне повлекувањето на зависноста.

-Колкава е стапката на успешност?
-Споредливо е со останатите зависности. Една третина ќе се опорави и ќе биде во ред, третина ќе се опорави и пак ќе заглави, а третина никогаш нема да се излечи. Се зависи од третманот.

-Каде може луѓето да најдат помош?
-Локално не постојат многу луѓе кои знаат ова да го третираат. Затоа групите за подршка се најдобар начин за почеток. Покрај тоа имаме и билтен на нашиот веб сајт http://www.sexaddict.com, за зависниците од секс и нивните сопруги кои патат многу. Истотака постојат и книги за оваа проблематика како што е "101 Практична вежба за лечење од сексуална зависност".

-Кои се најчестите митови поврзани за оваа зависност?
-Благодарение на Бил Клинтон, најпознатиот зависник од секс во светот, Американците сфатија дека некои луѓе се зависни од тоа. Тоа не значи дека сите мажи се кучиња, дека сите тоа го прават. Постојат многу оженети луѓе кои се моногамни и не мастурбираат.

-Дали лечењето е покриено со здравственото осигурување?
-Сигурно нема да видите никој да приложи дијагноза зависност од секс. Самите пациенти не го сакаат тоа. Обично се третира како опсесивно-компулзивно нарушување или депресија. Тоа може да биде покриено со осигурувањето. Но, многу од пациентите плаќаат од свој џеп.

Source: http://www.bizjournals.com/orlando/stories/2002/04/15/focus2.html?page=1