Македонскиот музички проект Трипнотик (Tripnotic) неодамна ја заврши својата нова песна, наречена Closer. Песната го привлече вниманието на британската издавачка куќа Herb Recordings, која потпиша договор со Трипнотик за нејзино издавање на EP заедно со уште три негови песни.

Инаку, оваа издавачка куќа е специјализирана за современа музика со побавно темпо и за неа издаваат некои од највозбудливите продуценти на трип-хоп и амбиентална музика, вклучувајќи ги и Solipsism, Astral Navigations, Richard Wigglesworth, Mark Franklin и Minuit De Lacroix.

Секако, ова не значи дека Трипнотик се откажува од продуцирање на клупска музика. Откако ќе ја заврши работата на песните за EP-то за Herb Recordings, овој македонски продуцент ќе ремиксува еден од најпопуларните годинешни drum'n'bass синглови со бразилски призвук. Точно навреме за поддршка на фаворитите на светското фудбалско првенство.

Новата песна Closer, како и сите информации поврзани со Трипнотик може да се најдат на адресата www.myspace.com/tripnoticc

Трипнотик - селектирана дискографија:

Broken Aesthetics (2000, албум, mp3.com)
Moments B4 (2000, EP, mp3.com)
No Turn On Red (2001, EP, mp3.com)
Crossbreedings (2004, албум, Bassmint Music)
Experience (2006, EP, Bassmint Music)

Музика за филмови:

Portret za Vladimir (2003, реж. Снежана Младеновска)
Cherie (2005, реж. Jason Wen)

Компилации:

Recycle (2000, Recycle)
The Matrix Revisited (2001, Warner Bros.)
8 (2002, Third Ear)
Cranes - Submarine (2003, Instinct)