Што ако почнеме масовно да ги отстапуваме нашите тела на науката?! "Науката и медицината" во Македонија нема да можат да ги "обработат" сите тела па ка почнеме да им ги даваме на децата да си играат.
"Мамо, мамо! Баба имала тумор во мозокот! Бадијала ја заклавме"

Што тесна ти е Македонија? Што ќе правиш жити бога со толку место?

Може работи со недвижнини па од тој аспект си ги гледа работите!

Градските гробишта Бутел - не ќе да се (или бар не во потполност) државна сопственост. Можеби државата има дел од акциите, уделите што ли се више, да не лупам, ама сигурна сум дека е извршена трансформација на сопственоста.
Во Македонија постои еден и единствен инсенератор за медицински отпад - во Дрисла. Скапа работа што и' е дадена (кртеси оф ЈУ КЕЈ), на времето, на Македонија. Не функционира како што треба, уште од старт, затоа што ослободува големо количество на диоксини и фурани.
Крематориум е фактички инсенератор за биолошки отпад, за кој треба да се обезбеди соодветна локација, температура (преку 1200 снтигејдс), филтери и тоа што највеќе ја дига цената - константен дотур на НЕШТО што ќе биде спалувано. Со дестина умирачки дневно, од кои девет сигурно ќе бидат подложени на трауматизирачки-мазохистичко-племенско-религиозни компостирања, тешко дека отварање на приватен крематориум може да се оцени како добра инвестиција.

Хмм! Ако се остварат песимистичките прогнози за птичјиот грип, можеби и ќе има доволно матерјал за крематориум.
Газдите на идниот крематориум можат да запослат и "комерцијалисти" кои за одреден процент би обезбедувале матерјал, потоа би давале специјален попуст за групни кремирања и екстра попуст за деца до 7 години

болно,болно... Не могу да верујем

...на "Неделно Време", во рубрика "Општество", Епископот Велички Методиј има напишано колумна баш на оваа тема. Бидејќи не го најдов најновиот број на нет, те упатувам до најблиската трафика.

Користи Најди и ќе најдеш...

http://najdi.org.mk/najdi?query=izvor%3Dvreme+metodij+kremiranje

Јас имам слушнато дека во Београду има повеќе од еден крематориум.

"Душо моја полети" Крш!
Ајде, давјте предлози за натпис на идниот македонски крематориум!
Јас предлагам еден стих од легендата Јонче Христовски:"Ако умрам ил загинам, немој да ме жалите"

Абе има, еднаш еден поп ми објаснуваше дека црквата забранува и аутопсии. Па кремирањето за нив е форма на вандализирање на телото.

А постои ли некаде во Библијата експлицитно наведено дека телата не треба да се кремираат или врз нив да се врши аутопсија? Сакам да кажам дека, по моја слободна проценка, голем број од современите „правила“, „закони“ и „обичаи“ на црквата се резултат на стотици и илјадници години „созревање“ преку ЧОВЕЧКО влијание кое е извршено врз нив. Некогаш причините биле во наследените исконски пагански традиции, некогаш причините биле криминални, па и политички*. Најчесто во прашање е незнаење.

На пример, каде пишува дека треба да оставаш 10 денари на икона, се крстиш 3 пати, притоа наведнувајќи се до земја, и ја бацуваш иконата? Не знам, можеби можеше и подобар пример да се избере, но поентата ми беше дека повеќето верници не се ни свесни колку вакви бесмислени „нареденија“ прават, слепо верувајќи во нивната Божја исправност и доследност! А што е уште потрагично, има попови (не се сите такви) кои со раширени раце им ги земаат маслата, јајцата и брашното кое го оставаат по олтарите и си го носат дома, наместо да ги дадат на сиромашните.

Значи, ако ја земеме христијанската догма за пример, бидејќи во конкретниов случај би се кремирале (најмногу) христијани, Бог им дава на луѓето слобода да прават онака како што тие ќе изберат, и им препорачува тоа да не се коси со неговите закони. Бидејќи никаде не е изнесен божји став дека мртвите мора да се закопуваат така како што е денес вообичаено, и бидејќи никој не е оштетен со кремирањето или подарувањето на телото на медицината (во вториов случај, тоа е дури и племенито и хумано), не гледам зошто верата на некого не би му дозволила да си избере еден од овие два начина да си замине од овој свет.

Инаку, за ваша информација, луѓето кои живееле во овој регион пред 4-5 илјади години, ги кремирале мртвите.

Исто така, треба да прочитате и за релативно новиот метод на „еколошки закоп“, Promession, кој веќе се практикува во Шведска.

---
* Крстоносните војни имале политички позадини, а биле исто толку бесмислени и противверни, како што во денешно време е бесмислено кога бомбаши-самоубици се разнесуваат себеси и триесеттина туристи на некој плоштад во Ерусалим. И едните и другите нека ми најдат каде Исус и Алах им рекле дека убивањето други луѓе ќе ги воздигне до Бога.

---

Абе у корен те мавна коментаров

Во суштина тотално се согласувам со тебе, муабетот ми беше дека црквата ќе кука малце али у генерала ме заболе што имаат да кажат...

бај д веј, што се однесува до еколошките закопи е ова е брат за мене перверзија, ајде сега и смрта да ја оптимизираме и да ја прилагодиме на Еколошките потреби, некако ми е морничава идејата

Да, се' е ОК, јас и не сакав да спорам со тебе, туку како што и сам велиш:

Ич не сакам луѓе кои со години прават нешто, а појма немаат зошто, освен дека „така треба“. А за „еколошкиов закоп“, навистина е таков, малку да те трзне од стол, ама па идеата е оригинална и, кога ќе размислиш, ништо посебно повеќе сулуда во споредба со ставањето луѓе во дрвена кутија и фрлањето во двометарска дупка. Црвите и да не ги спомнувам.

---

Во Библијата и не може баш се за секоаја наша совремана лудост да пишува, сите знаеме од кои причини. Таму се дадени основите на Христијанското живеење по кои ние ако сме Христијани па уште и Православни треба да се трудиме да живееме. Нагласувам „ТРУДИМЕ“ зошто е скоро невозможно „во светот“ да се живее по тие правила.
Тоа да се крстиш ТРИ ПАТИ, има зошто е, го симболизира Светото тројство. Тоа што се поклонуваш правиш метании кои се споменати во секоја од литургиите, и во Светата Божествена Литургија на Светиот јован Златоуст.Не мораш да ги правиш. Ако некој овде (а ги има) се сомнева во вистинитоста на тие пишувања, тогаш имаме друг проблем. И не мораш ни пари да ставаш на икона, ги ставаш ако така милуваш.
Лично мислам дека ако сме Православни, а за такви се декларираме, тогаш во ниеден случај не можеме да прифатиме кремирање на нашите тела по нашата смрт.
Зошто прочитајте овде од компететен човек:
http://www.vreme.com.mk/DesktopDefault.aspx?tabindex=3&tabid=1&EditionID=658&ArticleID=41230
Ова за оние кои се декларираат за Православни Христијани.
За другите...ионака Ви е сеедно нели?

Според една британска владина агенција, еве одговори на некои често поставувани прашања за кремирањето:

How many people use cremation today in Great Britain?

Since 1968 when the number of cremations exceeded burials for the first time, cremation has increased considerably. Current figures suggest that around 70% of all funerals are cremations.

Do any religious groups forbid cremation?

All current Christian denominations, including the Roman Catholic Church, allow cremation, as do Sikhs, Hindus, Parsees and Buddhists. It is however forbidden by Orthodox Jews and Muslims.

Is cremation more expensive than burial?

No. Generally the cost of a grave is much higher than the fee charged for cremation although the funeral charges are similar for both services.

Според едно мое пребарување на Интернет, целиот процес на кремирање чини околу 400 долари.

---

Абе сега види, многу зависи од кој извор ова го пастираш. Ако е од некоја компанија која работи со крематориум, нормално дека ке убедува дека ниедна религија не збаранува кремирање.
Јас не мислам така. Ама тоа не е битно. Не мисли така Православната црква, а еве зошто:

„За разлика од религиозниот дуализам и неговите варијации, монотеистичките религии имаат сосема поинакво, би се рекло дијаметрално различно сфаќање за употребата на огнот при подготвувањето на мртвите за вечниот живот. Огнот кај нив не е повеќе онтолошко начело, нема божествени конотации, туку е природен елемент, кој има разнообразна култна семантика. Исклучок се некои помодни појави кај некои монотеистички секти, кои имаат обичај да го релативизираат базичното учење од кое се дистанцираат и врз база на истиот тој релативизам прифаќаат, меѓу другото, и кремирање. За автентичната, традиционална културна етикеција во јудаизмот, христијанството и исламот, не е карактеристично употребувањето на кремирањето како своевиден сакрамент на погребение.“
извор:
http://www.vreme.com.mk/DesktopDefault.aspx?tabindex=3&tabid=1&EditionID=658&ArticleID=41230

Ова е нели размилување на Владиката Методиј (Златанов), а него ако не го почитуавте како Владика, секако го почитувате како еден од врвните македонски интелектуалци.

Така да...ПРО и КОНТРА имало и ке има, ама кога веќе кажуваме мислења, да знаеме барем што кажува за конкретна тематика религијата на која и припаѓаме.

Така е, Димитар. Јас го прочитав текстот од отецот, и воопшто не спорам дали нашата црква дозволува или не кремирање (зборував за изворните божји правила, оние кои се апсолутни и непроменливи за една религија, а не за актуелната нивна интерпретација). Тој што е православен верник, треба да си ги следи упатствата кои му ги дава неговата црква. Не се ни обидувам да убедам некого како треба да изгледаат погребувањата -- тоа си е индивидуална работа.

Информацијата ја ставив тука само како информација, за да покажам дека има повеќе религии кои го дозволуваат овој вид на погребување. А се согласувам и за можната пристрасност во ставот, зависно кој „производ“ го нуди или практикува изворот.

Она што исто треба да се знае е дека низ историјата на човечката цивилизација се појавувале различни начини на погребување, зависно од епохата, локацијата, како и социјално-политичките состојби (цели религии буквално се измислувани и искористувани во политички цели, може и за ова да се зборува). „Црквата“, ако така можам да ја наречам, во секој од овие периоди го пропагирала преферираниот начин на погребување, заедно со сите пропратни церемонии, и секогаш имала и „приказна“ која оди со нив како објаснување зошто тоа мора така да биде (види ги примерите најдолу).

Она што јас го кажував, а можеби преку пример и не толку добро го изразив погоре, беше дека јас се сомневам дека голем дел од тие мали ситници се измислени од луѓето кои учествувале во нив, секој додавајќи по малку свој зачин во рецептот. Ова важи и за религиските обреди, но и за многу други традиции и обичаи.

На пример, само на територијата на Македонија има толку многу различни свадбени церемонии, што укажува на човечката (наспроти божјата, неменливата и апсолутно точната) вмешаност во нивното детерминирање. Дури, гледано низ историски контекст, традициите и обичаите на еден ист регион, кај исти луѓе, со текот на годините се менуваат, што повторно укажува на тоа дека луѓето помешале прсти. Значи, на „основните“ (во светите книги дадени) вистини и методи, често се накалемуваат некои други, заради сосем „небожји“ влијанија. И покрај тоа што овие процеси донесле толку богат културен диверзитет, гледано од друг аспект, сепак ова го сметам за лоша појава, ако се земе во предвид дека еден верник треба да се придржува до законите на својата религија (инаку се оддалечува од корените на својот фундаментален филозофски став поврзан со сопственото постоење на овој свет).

Уште еден пример, онака како информација: ако погледнеме 5-6 илјади и повеќе години наназад, пред појавата на првите египетски династии, племињата од тој регион ги погребувале мртвите со закопување во плиток гроб, само со облеката и неколку лични предмети до нив, а ги поставувале во ембрионална положба, најверојатно заради тогашното верување дека тие повторно ќе се родат по смртта.

Само „малку“ подоцна (илјада години), на сосем истото место, но во време на големите фараони, тогашната „црква“ пропагирала дека душата живее се' додека телото постои, што довело до погребни обичаи кои вклучувале мумифицирање на телата, нивно заштитување во саркофази, но и редовно носење храна во близина на гробот (сфингите кај пирамидите служеле за оставање храна и за заштита на покојникот), за тој ноќта да може да се прехрани.

Денешните погребни обичаи не се измислени од корен (from scratch, што викаат Америве). Тие носат континуитет долг илјадници години, процес врз кој влијаело времето, политичките состојби, мешањето на културите, но и самите луѓе, било тоа да го правеле со или без причина.

---

Се согласувам со се што напиша.
Точно е дека и во нашава мала Макеоднија имаме сосема различни обичаи. Тоа најубаво се гледа во Скопје, од причина што Скопје е населено со луѓе од сите крашта на убавата ни наша Македонија.
И многу често се случува мешање на религиозните со традиционалните обичаи.
Затоа според мене најпамето е, ако веќе сакаме да ги почитуваме верските обичаи, најдобро е да си прашаме во Црквата. Е сега, не ретко и во самата Црква има разлики, па така еден свештеник ти казжува едно, друг сосема друго. И тогаш луѓето се збунети. И тоа е нромално. Затоа треба да се чита, ама бидејки не секој може и сака толку да се внесува во тоа, најдобро е да си има свој духовник кој ке го води низ духовниот живот правилно.
За кремирањето, мене искрено од секогаш ми се гледало тоа како многу практична работа, и секогаш сум ја подржувал од практични причини. Кај нас лугево се ионака 95% се само традиционални верници, оние кој идат у Црква на Великден, и на Свадба, така да за нив многу малку ќе е битно дали Црквата одобрува или не одбурва кремирање. Поготово во оваа немаштија а ако се знае разликата у цена е минимум 3:1 во корист на кремирањето.Така да, мислам дека кај нас тоа ке биде уносен бизнис(ако АД БУТЕЛ даде АМИН, пошо они се овде главни), независно од ставот на Црквата за таа тематика, а јас лично не би сакал моите наследници да ме чуваат у урма над камин