Почитувани,

Поради променет тек на настаните во врска со “милуваната” студентка, протестот закажан за вторник, 22.11.2005 – се откажува. Имено, почнувајќи од денес, па се додека трае истрагата за злоупотреба врз студентката, професорот Ј. Ј. нема да држи настава. До ова дојде како резултат на притисокот кој овие неколку дена Студентите за себе го извршија врз сите релевантни институции, индивидуи, Стоматолошкиот Факултет и ССУКМ. Го поздравуваме чекорот што конечно го преземаа Стоматолошкиот факултет и ССУКМ, и се надеваме дека во понатамошниот тек на настаните ќе покажат поголема инволвираност и експедитивност во заштита на правата на нашата колешка.

Искрено ви благодариме за покажаната поддршка досега, и ве повикуваме во иднина активно да ни се придружите во борбата против ваквите аномалии кои неретко ги омаловажуваат студентите во нашето општество. Оваа борба ќе биде поефикасна доколку вие индивидуално, како и во рамки на организациите/медиумите/институциите на коишто сте претставници, самите би покренувале иницијативи кои ќе придонесат кон искоренување на нездравите текови, како на пример корупцијата во високото образование, сексуалната злоупотреба на студенти, итн.

Би сакале и да ве поканиме да ги изразувате ставовите (лични и оние на организациите/медиумите/институциите на коишто сте претставници) на дискусиониот форум на www.studentitezasebe.org.mk

Поздрав,

Ladykiller