Абе камо среќа да се заинтересира повеќе Мајкрософт за Македонија и да се овозможат повеќе работни места.
Што би се занимавал некој со непрофитабилни системи. Не сме ние Германија па да си експериментираме, ова е поубаво ова не или да размислуваме што е монопол што не е.
На луѓето во Македонија треба да им се даде работа, па следствено ориентирањето кон Мајкрософт и можностите кои тој стопански може да ни ги понуди, е убав чекор напред.

Врска ти нема муабетот. Се што може стопански МЅ да ни понуди е да ни ги земе парите за софтвер произведен во странство.

не е така. наместо да се заангажираат нашите програмери и нашиот потенцијал да им го престават на Мајкрофост и тој да најде интерес за инвестиции во Македонија, повеќето од способните, го одбираат патот кој не носи прогрес. Треба да се создадат услови за Мајкрософт да стане подоминантен на нашиот пазар и ние да го искористиме тоа со наши програмери да партиципираме во светскиот пазар. Сега многу од најдобрите тука губат време изучувајќи работи од кои никој нема полза. Зошто е така, зошто би се инаетеле и не би го прифатиле природниот тек на работите? Аутсорсингот е многу експлатирана тема денес, зошто не би зграбиле дел од колачот?
Замисли да сака Генерал Моторс или Форд или Ауди да инвестира во Македонија? И нив ли би ги отфрлиле затоа што не ни се допаѓа нивниот начина на работа? Па оваа земја треба економски да живне, не го гледајте Мајкрософт како непријател, туку како потенцијален стратегиски партнер. А најдобар начин да се привлече и да отвори сериозно преставништво тука е ако има луѓе кои се запознаени или заинтересирани да се запознаат со неговите програми. Вака, си правиме штета самите на себе.

Ова е оддел за продажба..

Ова е оддел за производство.

Овие две работи не се поврзани на начин на кој ти сакаш да ги претставиш.

Во тој случај не се од најдобрите.

Освен тоа, споредбата со инвестициите во автоиндустријата нема смисла бидејки и за огромен софтверски продукт треба многу помала инвестиција одколку за наједноставна фабрика за автомобили. Има во македонија доволно капитал за инвестиции во софтвер. Глупо е да му ги даваш парите (т.е. профитот) од твојата работа на странец кога не мораш.

Ова треба да се гледа и како политичко признавање. Мајкрософт се согласи со појавувањето на Виндовс на македонски. Не е тоа за потценување.
Мајкрософт е огромна компанија, чиј буџет го надминува буџетот на многу земји. Ова е стратегиски договор, кој во никој случај не ги тангира оние кои сакаат со своите сопствени програми и пред се со квалитет да настапуваат на разни пазари.

Ако има доволно капитал за изработка на софтвер, нека биде искористен. Никој никого не спречува да го направи тоа.

Не им е никој крив на оние кои разработуваат сопствен софтвер во Македонија, за нивната неумешност да ги презентираат нивните потенцијали и да станат интересни за владата и за фирмите, тука и надвор. Има милион фирми по свет кои прават софтверски решенија и ги нудат самостојно на светски пазар или работат за некои странски фирми.

И не заборавајте, никој не ги фатил за гуша фирмите да потпишуваат такви договори.

Интересно е што кога во Хрватска се појави приватен хрватски производ еквивалентен на МС Офис, Микрософт реши да го локализира офисот на хрватски јазик. Не ми текнува на името на хтватскиот продукт но со сигурност можам да тврдам дека тој се продава како на нашиот, така и на српскиот, босанскиот, словенскиот пазар, а можеби и пошироко.

Уште поинтересна е онаа група КроТеам. Нека ви текне колкав светски хит беше нивната игра.

Нашите програмери не треба да работат за Микрософт од многу причини, едната од нив секако е и онаа на тема „крајот на сиромаштијата“. Се прашувам колкава би била платата на програмерите кои ќе работат во новиот огранок за микрософт во Македонија, и колкава би била доколку креираат нешто свое како што направи CroTeam?

Да работиш за друг, сигурно ќе заработиш многу помалку отколку да работиш за себе. Но, не може секој да го поднесе товарот и ризикот да биде сам свој газда. Исто така, не секогаш добар „кодер“ има прекрасни идеи, или па го бива за менаџмент и маркетинг.

---

Леле овој фрајер колку е глуп. Абе не ти го ни дочитувам постот, доволна ми е првата реченица. Звучиш ко Шекеринска коа ги лаже новинарите. Не туку тропај глупости. Никад нема да праиме софтвер за Мајкрософт и никад нема Мајкрософт да ни ја дигне економијата. Што ќе праат со девизијата у Индија и у Редмонд? Ќе им даат отказ за кај нас да вработат луѓе?!? Си направил ти доста штета на мозокот чим вака размислуваш...

Штом Шеќеринска не ти чини, можеби Бичиклиски или Трендафилов, ќе те "израдуваат" со нешто поубаво во иднина.
Тешко на оние фирми, кои очекуваат владата да им ги реши проблемите.

...и да.. покажи малку култура. Сепак дискутираме тука. За вреѓање, пиши ми на пвт и пцуј колку сакаш. Имај малку респект за темата и за форумот.

факоф.

Не е софтверот шо се прави во Македонија без пари ваљда?

И ако увезеш странски софтвер не е ко да си увезол пиперки, демек ние имаме супер пиперки а овие Амерички пиперки ни продаваат на пазар сега.

Ако некоја Македонска фирма решила да креира софтвер кој е во конкуренција на некој производ на МС, Адобе/Макромедиа (шо бтв кога сум кај нив Адобе ја купи Макромедиа пред некој ден) нека се мисли таа фирма какви чекори треба да превземе за да добие некоја шанса на маркетот за тој софтвер.

Од една страна имаш некои гигантски софтверски фирми со веќе оформена клиентела од милиони корисници, од друга страна имаш некое мало фирмиче шо направила нешто корисно и добро, и од трета страна го имаш корисникот кој интуитивно го одбира тоа што се користи масовно - не тоа шо е подобро.

Такви мали фирми успеваат само ако креираат некој револуционерен софтвер кој е драстично различен и подобар од тој што веќе се користи. Со мали алтернативи и вариации на тема на МS, нема теоретски шанси да се пробие таква фирма. Ако софтверот кој го прават МК фирмите по функционалност е сличен со некој странски продукт кој веќе е Бренд во овој маркет, може и без пари да го нудат и пак луѓе ќе плаќаат за Бренд.

Зошто кога одиш во кафич не пијаш Рум и Афри-Кола туку рум и Кока-Кола? И зошто купуваш облеки во Бенетон, Бос, Гес, Банана републик ти реков ми рече кога имаш веќе солидно развиена текстилна индрустрија во Македонија. Не може вакви работи да се бојкотираат едноставно.

Ова се некои Енвер Хоџистички размислувања шо ги имате: затворете ги границиве и пукајте по гулаби, случајно да не донесат некое гранче од странство.

Тоа што MS може стопански да го понуди е услугата која ја нуди софтверот кој го продаваат и како истата ќе ти помогне да го оствариш тоа шо си го замислил. Не може таа да не ја вреднуваш пошто ако не ја вреднуваш услугата не ти треба ни MS продукт ни Македонски продукт ни бутур.

Тачно Оби,баш така,многу многу кукаље против МЅ нема фајде,туку нек направи некој кај нас нешто навистина добро,и пред се практично и јас сум вољен да му го платам тој софтвер,секако ако ми треба.
И да,Оби,ја корситам лиценциран WINDOWS,ама не сум го платил јас,тоа е нели нормално )))

Ок, кажи една фирма од странство, што дошла во МК за да не ни земе пари? И кажи една фирма од било каде на светот што првата и веројатно единствена цел не им е да земаат пари од други.
Или фирма има профит, или фирма не постои.

Ајде наместо за софтвер да формираме друштво за Слободна Автомобилска Индустрија? Пошто како и да е, за коли даваме повеќе пари, а дефинитивно немаме наша фабрика.
Ќе кажеме на Форд да ни ги дадат комплетниот дизајн нормално за бесплатно, и ќе си правиме наши коли. И после ќе ги делиме беспари а на тие што ќи ги прават, ќе им викаме ФАЛА, па нека живеат од тоа.

И патем како овде одат бодувања? Досега повеќе од еден бод добиле само оние што се Анти Микрософт.

Ептен точно.
Само брат ми зеде неколку ЕксПи Сервис Пак цд-а а ги продаваше по 10 евра, и после кукаат. А бе ај. =))))
И тоа со испорака и све тоа фино лепо.

Чек ит аут. Се вика ГНУ/Линукс.

Yo, Linux нема шанси во поглед на функционалност и изглед со Windows!

Јест да Windows не е вреден за 150$ али сеа јебига.. тоа ти е

Дали некогаш си видел како изгледа графичка околина којa работи на Линукс?

Проѕирно мени.

Анимиран tooltip (облаче со совет)

On Screen Display кога се менуваат песни...

Други интересни слики...

Не е убаво да шириш дезинформации.

Не е работата во облачето, туку во развојните алатки.
Linux никогаш, никогаш! нема да стане mainstream додека некој не измисли солидни, но едноставни развојни алати кои секој програмер со пола мозок ќе може да ги користи и да напише - што знам - програмче за евиденција на благајничко работење во својата фирма.

Под „солидни, но едноставни“, *не* подразбирам:
- java (премногу нестандардна, "C"-like, со loose ends, особено во поврзувањето со бази на податоци);
- Kylix (Аман! Паскал, аман!);
- сите варијанти на C++ (прекомплицирано и непродуктивно, гореспоменатиот програмер-со-пола-мозок нема да го помине ни првото "void";
- PHP (ме болат прсти од сите доларчиња - кој програмирал во ова, знае за што зборам, нестандардни функции, силување на OOP ... доста е);

Освен ова, Linux мора да се ослободи од geek-овскиот мирис кој го следи наоколу како кога јадеш џигерчиња со лук во „Љуц“, па после три дена труеш. За ова - извинете - но многу придонесувате и вие, драги линуксџии кои „џихадски“ настапувате: све-на-нож-што-употребува-Windows!
Луѓето во компаниите не и’ веруваат на банда гикови во зелени ѓубретарки и со подочњаци до колена од последната сесија на дебагирање на не-знам-што.

Од друга страна, во својата пракса успешно и со години го употребувам Linux како rock-solid database server. Никогаш не ми се случило да изгубам податоци поради оперативниот систем. Но, само серверот е таму, а се’ останато е Windows: боље изгледа (сосе облачиња), секој half-ass програмер - под засилен надзор - може да направи „Преглед на отворени ставки на конто 1200“ во Visual Studio, контролата на корисниците преку домени е максимална, па дури (во последно време) и вирусите некако се ставени под контрола.
Во тоа помага и неодамна објавената „македонска меѓуврска“ (кој глуп израз) на ХР, со што Windows им стана уште поупотреблив на тетките низ фирмите на кои им се расчисти маглата и почнаа да ги разбираат и другите избори од менијата, освен, нормално, Solitaire, кој секогаш го разбирале.

Натаму, кога збориме за деловна околина, MS Office нема конкуренција, иако OpenOffice е блиску, ама треба уште едно две години развој. Особено фали пандан на Outlook, кој е апсолутен врв на таков вид на алати, а следниот е некаде на петто место.
Еве, јас, во својата желба да бидам open-minded, го инсталирав Thunderbird, за да го тргнам 30 минути подоцна, затоа што не поддржува повеќе од еден SMTP сервер (еееј!).

Не пишувам веќе - почнете да ме горите со бацачи на пламен.

Нема да те бркам со огнофрлачи, но продолжуваш да шириш дезинформации и неупатен читател ќе добие погрешен впечаток.

Што останува откога ќе ги исфрлиш сите нив? Бејзик? Цтараба? Недостатоците горе зарем ги немаат? Не верувам дека тоа што е достапно на ГНУ/Линукс е покомплицирано од развојните алатки за В.

Thunderbird _може_ да користи повеќе сервери за испраќање и не само што може, туку едноставно се подесуваат сметките за тоа. За лична употреба има доволно нишани.

Како по обичај дискусијата забегува далеку off-topic ... но ајде...

Ова ќе го аргументираш со колку примери? Еден? Баш од коментариве гледам друг однос на снагите.

Иначе за програмските јазици... гледам ги изостави VisualBasic, C#, Python и Perl. Е сега за паскал викаш „аман“, не верувам дека за Basic-от е можно да се има подобро мислење, но ако имаш можеби ќе те интересира gambas. C# е пљукната Java, многу повеќе се исти отколку различни... anyway се што ќе направиш во C# можеш да го користиш и на Linux. Perl е ужас, а PHP е нешто подобар од него.

За мене најубав јазик е Python, кој е cross-platform. Плус се продаваат разни IDE околини за него кои во комбинација со QT се одлична опција за развивање GUI апликациички. Мене ми врши работа и QT ui дизајнерот.

Thunderbird подржува повеќе од еден SMTP сервер, но можностите и флексибилноста без кои не можам ги има само KMail - друг mail програм не можам да поднесам. Претпоставувам, све е во навиката. Најголем проблем на windows корисниците е што во Linux-от бараат бесплатен windows. Linux е поинаков, кога ќе ги научиш неговите предности ќе се чудиш како некои работи во Windows-от се тоооолку комплицирани. Во некои ситуации можда и windows-от има подобро решение, но windows никогаш нема да биде слободен софтвер.

Предходниот корисник коментираше за изгледот, јас не го запалив туку му покажав примери дека не е така.

Програмер со пола мозок прави исклучително неквалитетни програми, зашто мислиш дека тоа е добра работа?

Ти никогаш не си влегол во фирма со „теткици“. Теткиците напамет ја учат програмата за работите кои ги прават по стотици пати во текот на денот...тоа е и се што сакаат да знаат.

Во Македонија пример: Си погледнал ли на шалтерите во социјално(ПИОМ, Здравство) компјутерите на кој оперативен систем им работат?

Во странство од завчера последен пример. Мислиш ли дека Нокиа не е сериозна компанија туку група фински гикови?

Nokia Corporation announced today that it allows all its patents to be used in the further development of the Linux Kernel. Nokia believes that open source software communities, like open standards, foster innovation and make an important contribution to the creation and rapid adaptation of technologies.
press.nokia.com

„Linux никогаш, никогаш! нема да стане mainstream додека некој не измисли солидни, но едноставни развојни алати кои секој програмер со пола мозок ќе може да ги користи и да напише - што знам - програмче за евиденција на благајничко работење во својата фирма.“

Тешко на фирмата што иднината ја гради врз half-ass VB програмери со пола мозок. Еден таков кога ќе усере ни десет geek-a не го оправаат, а и кога ќе работи програмот тоа ќе биде полупросечно.

-За Јава не си во право. Не за џабе го направија c# како клон ја Јава.
-Спореди го Паскал со Бејзик, па после збори.
-За MSOffice, исто така врска немаш. Openoffice rocks!.
-А ова за околу outlook, е смешно. Си пробал Evolution? Во моето користење на офис програми не сум видел понестабилен и поглуп програм од МСОутлоок. Со секоја инсталирана верзија треба да ја чекаш новата за да ги поправи купот на грешки.

„Луѓето во компаниите не и’ веруваат на банда гикови во зелени ѓубретарки и со подочњаци до колена од последната сесија на дебагирање на не-знам-што.“

Кој ги ебе луѓето(„менаџерите) во компаниите(зборам за нашите компании). На запад така не се фрустрираат. Таму наместо да работат со half-ass програмери со пола мозок(па макар носеле и армани сако), повеќе го ценат интелектуалниот труд и способноста.

Не мислев да пишувам веќе за ова, бидејќи се претвора во бескрајна расправија, но не можев да додржам.

1.
Ако не ти е јасно, ИТ одделите во македонските фирми се составени од четврт-ass програмери, претерав кога реков half-ass. А според моето искуство (од В. Британија, преку Холандија, па до Нов Зеланд, ни помалку ни повеќе, јеби га) така е скоро во сите фирми во светот. Не се работи ниту за медиокритети, значи, туку за полу-медиокритети.

Е, на *такви* „програмери“ (кои се во мнозинство) им треба нешто што ќе им заврши голем дел од работата, макар тоа било грубо, неелегантно и, едноставно, лошо програмирање.

Тука, мора да се признае, Microsoft си ја завршил домашната работа: Одличното интегрирање на сите целини потребни да се склопи некаква посериозна програма навистина функционираат - поврзувањето со базата на податоци, графичкиот интерфејс и интеграцијата со оперативниот систем се лесни и, што би рекле англичаните, seamless. За разлика од Linux.

Еве, нема да тропам напамет, ќе ти кажам од лично искуство. Пред извесно време, за една (странска) компанија требаше да развијам reporting систем, исклучиво на Linux и без додатни трошоци за лиценци. Базата на податоци беше Informix Dynamic Server (расфрлан на 7-8 локации), и делумно, MySQL. Што да правам, седнав и научив PHP. Таман помислив дека потоа нема да имам повеќе трауматски искуства, кога дојде на ред поврзувањето на PHP со базите. Чо’ече! Ми се расплака мајката. Морав пет дена да сурфам по најзабиените дупки на Интернет за да пронајдам како се прави тоа. Разбрав дека некој geek во слободно време решил да прави ODBC за Linux, ама заборавил до крај да ги напише упатствата. И така, морав да си напишам сопствено упатство (за да не заборавам) за *точниот* редослед на инсталација на најчудните парченца софтвер за да може целата ствар да проработи. Сега размислувам да ги уценам моите клиенти со откуп, затоа што ако, не дај боже, се лизнам на сапун во када и скршам врат, никој нема да може повторно да им го поврзе сето тоа заедно (Informix DS, MySQL и PHP).
Никаде по пат немаше некој еквивалент на MSDN, на MVP кој добронамерно седи и чека некој да му постави прашање - и тоа ако прашањето воопшто и треба да се постави, затоа што во (од вас) омразените C#, ASP.NET и VB.NET има вграденa, native, поддршка за ODBC и со неколку клика се конфигурира врската со базата. ADO.NET не го ни спомнувам.

2.
Java е посебна приказна, јазик кој никогаш не стана тоа што требаше да биде кога ќе порасне. Нестандардните „гравчиња“, лошата интеграција со host системот и, благо речено, чудното поврзување со базите на податоци ја оставија во инфантилна фаза. Можеби последните напори на IBM ќе вродат со некаков попродуктивен систем за развој, но тоа тогаш ќе биде proprietary решение, кое нема да може да се примени на повеќе платформи истовремено, нема да биде open source и во крајна линија (според овие карактеристики) ќе биде еквивалент на Microsoft Visual Studio, само што се вика Web Sphere Studio.

3.
OpenOffice е одличен производ, само што уште не му е дораснат на MS Office. Со нетрпение го чекам денот кога (за едно две години) ќе го доработат и конечно нема веќе да траба да му плаќам на M$. Но тој ден уште е далеку.
Еве ти пак лично искуство: кај еден пријател, кој инсталирал OpenOffice, никако не можев да пронајдам како да ги снимам page prefferences, help-от е за никаде, всушност целиот подсистем за преференци е збирштина на аплети без никаков ред.
Натаму, кога е на Linux, целата работа со поддршка за unicode некако е проблематична, па никогаш не си сигурен дали писмото што ќе го напишеш и внимателно ќе го форматираш на другата страна ќе можат да го отворат во ист облик. А знам зошто е така - затоа што за разлика од Windows XP, кај Linux unicode е воведен многу подоцна, и тоа како afterthought (во недостаток на македонски збор).

4.
Она за Outlook нема ни да го коментирам, веројатно по инерција спомена дека не си ја врши работата, бидејќи е Microsoft производ. Evolution е сеуште на аматерско ниво, без можност за корпоративна интеграција. Тоа секогаш го заборавате вие линуксџиите.

5.
Се лажеш ако мислиш дека менаџерите во, на пример, Лондон, се различни од овие нашиве. Истите полуписмени надуенковци кои се расфрлаат со фрази и не знаат што точно сакаат, па (бидејќи си најмен за тоа) мораш ти да им кажуваш, но на крај да изгледа дека тие се сетиле за се’ (за да изгледаат добро пред своите шефови).

И уште нешто, ако некаде не го ценат твојот труд, тогаш сигурно тоа е само овде. На т.н. „запад“ те гледаат како запчаниче во машината, и ги заболе таквиот колку труд си вложил, само да те платат што помалку.

А разликата во цената на трудот овде и таму не е поради тоа што некој некого цени или не цени, туку резултат на пазарни законитости. Во Македонија *ничиј* труд не се цени, не само програмерскиот. Прашај колку се платени архитектите или економистите. Заебана држава.

Ете, толку. Доста ми е од пишување, а и од прееска ми е спремен за гледање Rear Window од Хичкок ...

GoodBytes, и да е така (незнам колку мал дел од пазарот) еднаш кога ќе се направи преседан готово е. Ништо не го спречува Мајкрософт да ја уништи конкуренцијата на било кој дел од пазарот.

Јас само би сакал да отворам еден ПУЛЛ за опклада ама да го провериме за едно 5 до 10 год.Јас ставам опклада еве 1000 ЕУР дека за 5 години ниту 30% од Македонските компаниии нема да користат ОПЕН СОУРЦЕ програми,ЛИНУКСИ ли ,други ли.
Кој сака,бујрум,па здравје Боже,“живи били па видели“,се наоѓаме на БАГРАва за 5 години (ке постои и тогаш сигурен сум)и делиме ќарот.
Бива?

Ај да ја дефинираме кладбата поконкретно!!
За 5 години македонските компании нема да користат никаков Слободен Софтвер? Тоа е тезата?
30% од сите македонски компании или од тие што користат софтвер?
30% од тие што користат софтвер или од тие што користат легален софтвер?

btw за каков точно софтвер збориме... знаеш ли кој е најкористениот софтвер на светот? Не.. не е windows. Windows е инсталиран на *само* околу 600 милиони компјутери. TRON, оперативен систем кој е инсталиран на миљарди уреди (камери, апарати, коли и друг геџети)... and guess what, TRON е слободен софтвер.

Ај спреми си ти 1000 евра.

Забораваш само да ја кажеш цената на инсталацијата на SAP, и во тој контекст, колку компании во Македонија можат да си го дозволат во овој момент. BTW, некој тука кај нас почна да го нуди SAP? Не сум знаел? Има некаде кај нас production имплементации на SAP?

---

Токму и затоа реков да се разгледа начинот на кои тие продаваат софтвер (нивниот bussiness model) пред се од аспект на софтверска куќа. Насловот на ова тема е во стил „сите софтверски куќи ќе изумрат?“ а јас само сакав да кажам - „далеку од тоа“.

Инаку не би знаел дали се присутни во Македонија.

"Production" апликации на SAP во Македонија има повеќе, и тоа од поодамна. Секако дека има компании кои тоа можат да си го дозволат, иако, за среќа на програмерите од државава, такви има малку.
Колку за споредба, MySAP - пакетот за скоро „лична“ употреба чини над 10,000 евра, не сметајќи ја цената на системскиот софтвер.

Инаку, ги разгледав бесплатните апликации кои ги дели Microsoft и можам да ви соопштам дека софтверските куќи нема од што да се плашат. Прво, се работи за софтвер со сосема ограничена употребна вредност (патни налози, јеби га - к’о да не можат да се водат во Excel, пардон: оној спредшитот без име од OpenOffice) и второ, ионака има малку фирми кои го исполнуваат основниот услов: потполно легална Windows-based инсталација company-wide, сосе Office и сите други дрангулии.

А кога сме кај загрозување на македонската софтверска индустрија - жал ми што јас сум тој што ќе ви го каже ова - но, господа, таа едноставно не постои.

Јес, постојат неколку (на една рака да ги броиш) посериозни фирми, ама тешко дека од тоа се прави индустрија.
Останатите се: оптимистички настроени младунци кои мислат дека мавтањето со маус е програмирање, оптимистички настроени старци кои мислат дека Clipper Summer87 (или беше Autumn87?) е последен збор на техниката, ИлеСофт како посебна категорија (на најбрзи книговодствени програми) и она типчето што ги опремил сите кафани од Триглава до Вардара со истиот дилетантски софтвер (ќе ги познаете по тоа што логото на кафаната е во пиксел-резолуција од 80х24).

Сега скоро, зборував undercover со надежно настроен програмер на една домашна т.н. софтверска фирма за можностите на нивните апликации (кои беа изложени на еден информатички саем). Настапив како заинтересирана странка со трговска фирма. Да не ве давам со техникалии (available on request), но освен за водење на евиденција што имате во својата гаража, софтверот не чинеше за ништо.

Затоа, не кукајте, нема по што да кукате.

Јас пак за SAP... Ме зачуди, бидејќи горе-долу знам какви системи имаат поголемите компании во Македонија. Но, не сум чул некој да го користи SAP. Единствено што знам, од „еснафски муабети“, е за Телеком или Мобимак, дека им се нудел за некои 2-3 милиончиња, и дека им процениле 2-3 години за имплементација. Но, според моите сознанија, тој систем таму до денес НЕ е имплементиран (политикс).

А, сори шо давам, тие постоечки системи што се користат, дали ги имплементира (не „продаде“, туку „изведе како проекти“) локална или странска фирма?

---

На пример, на еден голем скопски комбинат (на кој не би му го спомнувал името - if I tell you, I'll have to kill you ), бидејќи е дел од огромна мултинационална компанија, му „следувал“ и SAP, преку кој е директно поврзан „таму горе“. Имплементацијата е изведена од луѓе од (пак) „таму горе“, т.е. словенци-пољаци-чеси (како познати робови на германците), и тоа многу успешно.
Системот функционира без грешка, иако јас му најдов некои маани во начинот на организирање на работите (не би бил македонче ако не му најдам).
Од друга страна, ако се сака да се постигне интеграција на фирмата на глобално ниво, да не се дозволуваат „креативни“ решенија од локалците и да се има firm grip на работењето, веројатно мора да се направи компромис. Впрочем, и јас самиот во моментов водам еден проект на национално ниво (20 локации) во кој на корисниците моравме да им се наметнеме, за да не забегуваат многу.
Колку пари потрошиле на SAP-от? Знам, ама не би зборел сега за тоа, но со многу нули е (отприлика и ти спомна некои цифри).
Знам и некои други други проекти во тек (во некои сум и консултант) во кои менаџментот, како ultimate goal, сака и имплементација на SAP. Све име до име, што да ти раскажувам.
Јас, како лојален на своите fellow programmers, се упињам од сите сили да им наметнам локално решение. За жал, во Македонија има малку компании кои можат да извлечат large-scale проекти, па и не знам кого да препорачам, а и тие што ги знам имаат работа преку глава. Any recommendations?

Има, кај нас. И оригинални .мк ERP решенија, а и некои светски брендови. Јас работам во филијала на најголемата ИТ компанија во Југоисточна Европа. Ако си сериозен за ова, јави ми се на ПВТ, па ќе си помуабетиме за нашите решенија и референци. Штом веќе имаш консултантско искуство во оваа проблематика, лесно ќе можеш да направиш разлика.

---

... вреди да се размисли.
Ќе се консултирам со принципалите (и јас сум ти наемен работник, батка), па ќе ти се обадам на ПВТ.
No offence, но мора да се праша, што ги знам, да не ми седнат на глава после...

Веројатно го користиш чудото од браузер Интернет Експлорер, и незнаеш да си го подесиш енкодингот.

Тој производ мене не ми носи профит
Тогаш кој ѓавол те спотера да се регистрираш специјално за овој напален и по малку смешен коментар?

Edna molba do vas gospodo softverski dzihad

Barem dorabotete go sajtot , taka da site mailovi , poraki, tekstovi i sl. moze da se gledaat od Internet Explorer 5.0 or later, za da ne mora specijalno za Bagra.net sekoj korisnik od bilo kade vo svetot, pa na primer i Bill Gejts ako posaka, da mora da instalira nesto sto se narekuva 3-rd party browser za da procita najobicen plain text,a po nekoja slucajnost covekot ne e clen od vaseto Vozviseno Sveto Softversko Bratstvo , a jadnikot ima kupen PC so Windows XP i Office 2003

Поздрави од Перо Семкарот и Миле Бурекот