Индивидуално е кои се ерогените зони кај мажите, како и кај жените, и што нив ги возбудува. Се разбира, постои некаква поделеност, некои мажи уживаат во едно „нешто“, некои во друго, но едно е сигурно: никогаш нема да има вистинско задоволство во сексот, доколку партнерите не се познаваат доволно. Кај нас не знам дали воопшто некогаш е направено испитување/анкета на оваа тема, а според резултатите од една анкета, направена во Англија, група испитаници, мажи, кажуваат што највеќе ги возбудува во кревет. Секако, повторно да нагласам, индивидуално е дали некому повеќе ќе му се допадне бакнеж зад увото, или пак допир по торзото...ова е она што е резултат на гореспоменатата анкета.
Значи, што ги "излудува" мажите?

1. Понекогаш тој сака облеката да ја задржите на себе

Барем, еден дел од облеката. Ним им годи кога ќе почувствуваат нешто меко на нив, на пример свилена или сатенска облека. Сем тоа, им се допаѓа кога жената не е потполно гола затоа што во тоа постои нешто таинствено: тој се прашува како изгледа она под облеката :-)

2. Му годи допирот на косата на неговото тело

Вашата коса е вистинско оружје да го натерате Вашиот партнер да „полуди“ особено ако тој лежи, а Вие преоѓате со косата по неговото голо тело. Тоа на мажите им пружа фантастично чувство, а покрај тоа, долгата коса е женствена и еротска.

3. Допирајте ги неговите гради

И кај мажите, како и кај жените, брадавиците на градите се ерогена зона. Многу мажи сакаат кога нивната партнерка ги бакнува по градите, а покрај тоа понекогаш уживаат кога лежат а жената ја превзема иницијативата. Затоа, ослободете се и пружете му на Вашиот партнер потполно задоволство. Допирајте му ги брадавиците на градите со прсти и со усни, со истата брзина и притисок со која би сакале и тој да ги допира Вашите.

4. Стриптиз во тишина

Многу мажи се согласуваат дека нема ништо повозбудливо од жена која се соблекува полека и без збор.
„Мојата девојка еднаш полека почна да се соблекува, додека јас зборував на телефон со татко ми. Почнав да се збунувам и да одговарам на се со: да тато, важи тато. Штом ја спуштив слушалката водевме љубов, таму каде што се најдовме-во кујна“. Звучи примамливо и интересно...ако до сега не сте го направиле ова, не чекајте многу :-)

5. Тој се надева дека ќе почнете да ги барате неговите „жешки“ места

Мажите уживаат во допири по целото тело, но како и кај жените, постојат точки кои се особено осетливи. Допирајте го затоа по цело тело, за да откриете што особено сака. Можете и нежно да поминувате со ноктите по неговата кожа: тоа е еден од најсигурните начини да откриете каде е најосетлив. Како ќе знаете дека сте откриле особено „жешка“ точка? Веројатно кога ќе дојдете до истата, тој ќе се „сецне“...а после тоа, ќе ужива ако токму таму го бакнувате и допирате.

6.Ни тој понекогаш не сака да „оди до крај“

Иако е врежано мислењето дека мажите секогаш мислат само на сексот, повремено допирите и предиграта може да бидат далеку поеротски. За поуспешен и подобар секс, подарете му малку секси провоцирање. Тоа може да биде допирање или некоја еротска игра. Еден од испитаниците во гореспоменатата анкета изјавил дека највозбудлив момент му бил кога неговата девојка глумела како да и е прв пат, па сето тоа се одвивало многу споро, интересно и убаво.

7. Љубовна „лузна“ - нешто што после цел ден ќе го потсетува на изминатата ноќ и ќе ја буди неговата фантазија

Мала огреботина, скриенo љубовнo „гризнување“ или слична трага - ќе го задржи Вашиот последен состанок длабоко во неговите мисли.
„Мојата девојка секогаш ја „цица“ мојата долна усна додека водиме љубов. Благите трнења и „боцкање“ кои ги чувствувам наредниот ден ме полудуваат-ме потсеќаат на моментите на нашата љубов.“
Сем тоа, кога ќе отидете дома, оставете нешто кај својот партнер „за спомен“ - такво нешто на мажите многу може да им се допадне. Да најдат чипкасти гаќички во нивниот кревет после една таква ноќ...верувајте, нема да погрешите :-)

8. Го возбудуваат женски нозе

Мажите сакаат убави и мазни женски нозе. Зошто? Веројатно затоа што им се допаѓа чувството на свиленкаста женска кожа под нивните прсти. Исто така, женските нозе се „тајна врата“ која мажите сакаат да ја отворат. „Кога ќе ги почувствувам како се тресат вон контрола, се чувствувам толку моќно“, изјавува еден од испитаниците.

9. Ушите како ерогена зона

Постои дури и техника на допирање која на мажите највеќе им се допаѓа: прво правило е да бидете нежни, а понатаму... полека со врвот на јазикот преоѓајте преку целата надворешна должина на увото и зад ушната школка (таму кадешто се спојува со вратот), а потоа со мали нежни движења допирајте ја внатрешноста на увото. На мажите ова едноставно, никогаш не им е доволно :-)

10. Тој се топи под нежни и долги допири

Повеќето жени мислат дека мажите сакаат интензивен, силен допир, но понекогаш нежниот, лесен допир е најубав. Затоа, бакнувајте го „меко“, „влажно“ и споро од врвот на вратот па се до долниот дел на грбот, а потоа преоѓајте го истиот пат со јагодиците на прстите.

11. ...но секако, сакаат и малку грубост :-)

Мажите сакаат кога жената, не само со погледот, туку отворено покажува дека е подготвена за љубов... за да му покажете колку го посакувате на пример „фрлете“ го на креветот, „стиснете“ го додека се возите во лифтот и...има поприлично многу примери-пуштете ја Вашата фантазија, а сигурно до сега нешто од ова и Ви успеало :-)

12. Тој не заборава на своите тинејџерски фантазии

За да добие Вашата врска една сосема поинаква еротска димензија, прашајте го која е неговата најголема сексуална фантазија. И се разбира - потоа претворете ја во стварност!

13. Dirty talk

Неверојатно колку моќ можат да имаат зборовите...додека водите љубов, пред и после тоа. Дури не мора да бидете суперкративни во она што го изговарате. Едноставно...нека биде dirty :-)

14. Тој сака да Ве гледа

Мажите подеднакво ги возбудува кога жените се допираат сами во љубовната игра. Звучи перверзно, но сакале ние да признаеме или не, сите сме перверзни-кој признава, кој не! Направете го ова, нема да згрешите! Ќе се изненадите себе си, а и партнерот :-)

15. Тој ужива и кога го допирате по лицето

Допирајте го неговото лице, милувајте го, поминувајте со прстите низ неговата коса... нема човек на светов кој не ужива во ова!

16. Допирот на рацете и нозете ќе ја поттикне неговата фантазија

Обидете се со ножните прсти и стапалата да преминувате преку неговите листови, додека со прстите од рацете преминувате преку неговите раце. Еве што вели еден од испитаниците: „Кога прв пат тоа го направи мојата девојка, помислив дека има уште една жена со нас во кревет.А тоа е фантазија на секој маж.“

Што може да биде поинтересно и по-посакувачко од изненадување? Обидете се да го менувате Вашиот изглед секогаш! Секое Ваше доаѓање во кревет нека биде поинакво од претходното. И се разбира....секое нека биде поинтересно. Што и да подготвите да биде интересно, заводливо и убаво. И уживајте во тоа!

Ова е веројатно само еден многу мал дел од она што ги возбудува мажите. Но, ако до сега не сте направиле ништо од ова, тогаш имате многу за учење. Време е да почнете :-)