Иако од Базата објавиле дека земјотресот кој ги погоди делови на Авганистан лојални на Северната алијанса им е алахова казна за нивното спротиставување на Талибанците, во веблогот на сајтот This Modern World од 27 март 2002 година прочитав сомневања дека земјотресот е резултат на употребата на „бомби за длабока пенетрација“ од страна на Оската на добротворството.

Таквите бомби наводно се вкопуваат во земјата, а ударниот (земјотресен) бран им е наменет токму за уништување на пештери, подруми и слични структури-скривалишта. Можноста за причинско-последична поврзаност на овие настани ја потврдиле и некои сеизмолози и геолози.

Инаку, авторот на сајтот, Tom Tommorow, е стрип-уметник кој на времето (1992 година) објавил стрипче во кое ги поврзал некои земјотреси во Калифорнија со подземните детонации на нуклеарки кои војската на САД ги изведувала во соседната Невада.