Што се е/ќе биде ново во новиот 2.5/2.6 Linux кернел...


(by Дамјан Г.)


Новиот BIO (block IO) систем - унифицирање на работата на драјверите за ткн. block уреди (хард дискови и сл.). Новиот BIO систем овозможува лесна употреба на целата меморија од страна на block уредите и ќе има генерички оптимизации за самото запишување на податоците на медиумот.

Новиот О(1) process scheduler на Ingo Molnar - без разлика колку процеси се активни на компјутерот, новиот scheduler има точно одредена комплексност. Плус новиот scheduler многу подобро се снаоѓа со повеќе процесорски системи. Пр. кај 8 процесорски системи подобрувањата во перфомасни се драстични.

Вклучување на JFS, XFS, подобрувања кај ReiserFS.
Генеричка подршка за ACL (Access Control Lists) во VFS-то (Virtual File System).

Интеграција на input-API-то, редизајн на сериските драјвери, нова конзола - сите уреди од типот на mouse-и, тастатури, таблети, joystick-ци и сл. ќе имаат унифициран интерфејс. Тоа додатно ќе овозможи користење на повеќе тастатури и mouse-и, а во комбинација со повеќе графички картици - работа на повеќе луѓе на ист компјутер. Плус нема веќе да постои преоптоварениот tty систем, односно терминалите ќе се генерираат по потреба динамички.

Опција за preemptable кернел - односно кернел на кој може да му се прекине работата за да се извршува некоја корисничка апликација.

Генерички framework за драјверите кој ќе подржува power-managment, hot-plug и динамичко пријавување на уредите.

Подршка за hot-plug на процесорите.

Интеграција на ALSA во кернелот.

Редизајн на Video for Linux (V4L).

и така натаму...

Генерално има неколку насоки во развојот:

- максимална оптимизација на централните задачи на кернелот (VM, VFS, scheduler-от и device managment/driver моделот)
- инфраструктурни подобрувања, со кои кернелот станува пофлексибилен и полесен за одржување и за прогрмаирање.
- нови драјвери, нови filesysтеm-и, нови свашта.
- и на крај многу интересни, супер современи, опции кој не се баш својствени за монолитните кернели како на пр. preemptable кернел и per-process namespaces и сл.


Повеќе инфо на: http://kernelnewbies.org/status/latest.html