Изминаа 10 години од појавувањето на "Nevermind" на Nirvana. Тоа не беше нивниот прв албум, но беше албум кој смени многу работи во музиката. После "Nevermind", сцената во САД не беше веќе иста. Следи преглед на најзначајните албуми (според New Musical Express) од 1991 до 2001, од другата страна на барата...

1991

Nirvana го издадоа "Nevermind" на 23 септември и го означија крајот на помпезниот и ексцесивен метал звук на 80-тите. Миксот на вина, интроспективност, алтернативен рок, и хеви-метал во "Nevermind" направи такви потреси кои одекнуваа во целата наредна метал декада. На ова се надоврзува и смртта на Freddie Mercury, само два месеца по издавањето на "Nevermind".

Други значајни албуми:
Pearl Jam - „Ten“, Metallica - „Black“, Guns 'N Roses - „Use Your Illusion“.

1992

Gruge-от е хит. Продажбата на „Nevermind“ започнува вртоглаво да расте после слабиот почеток. Групите кои ја следат светлата трага на Nirvana, докажуваат дека има генерација која чека на нов звук на метал. Rage Against The Machine се првите од ова купче со својот имагинативен cross-over албум.

Други значајни албуми:
Alice In Chains - „Dirt“.

1993

NIrvana ја задржуваат својата позиција како карлеви на grunge-от. Со „In Utero“, албум кој сеуште е од огрмоно значење, ги оставаат зад себе оние кои претендираат на нивната позиција.

Други значајни албуми:
Smashing Pumpkins - „Siamese Dream“.

1994

Курт Кобејн умира, но неговиот дух останува да живее во година одбележана од индустриски обоениот, електронски метал мутант „The Downward Spiral“, албум на Nine Inch Nails, на кој може и да се игра.

Други значајни албуми:
Hole - „Live Through This“, Live - „Throwing Copper“, Therapy? - „Troublegum“, Kyuss - „Welcome To The Valley.

1995

Grunge-от е пред последен здив. Но наследството на Nirvana го остава металот во мејнстрим и го прави атрактивна опција за секое дете кое сака да уши гитара. Замав земаат ska punk-от и funk metal-от. LA ветраните Red Hot Chili Peppers го достигаат својот врв и се здобиваат со уште фанови со „One Hot Minute“.

Други значајни албуми:
Rancid -„And Out Came The Wolves“, White Zombie -„Astro Creep 2000“.

1996

Бесот, вината и безделничењето на Кобејн се актуелизирани од идната ѕвезда Brian Warner. Излегува „The Antichrist Superstaр“. „Beautiful People“ е нова химна на сите со тинејџерски дух. Моливите се оштрат за да се напише епитаф на grunge-от со Screaming Trees и последниот grunge албум „Dust“.

Други значајни албуми:
Korn - „Life Is Peachy“, Tool - „Aemima“, Sepultura - „Roots“.

1997

Nu-metal-оt започнува од платформата на Korn, и продолжува од онаму каде што grunge-от застана. Deftones се приклучуваат со „Around The Fur“, додека Тhe Dwarves не потсетуваат дека бесмртниот punk секогаш добро звучи.

Други значајни албуми:
The Dwarves - „The Dwarves Are Young And Good Looking“, Limp Bizkit - „Three Dollar Bill“.

1998

Nu-metal-от го доживува врвот со армии фанови кои се приклучуваат на новиот метал круг започнат со „Nevermind“. Сосема пригодно, предвесниците на Nu-metal-от Korn, се актуелни со албумот на годината „Follow The Leader“.

Други значајни албуми:
System Of A Down - „System Of A Down“, Monster Magnet - „Power Trip“.

1999

Кога се чинеше дека се ќе се стиша, Amen победоносно истапија внесувајќи насилна полемика во својот метал на новиот албум, додека Incubus го вратија funk-от, забавата и среќата.

Други значајни албуми:
Incubus - „Make Yourself“, Slipknot - „Slipknot“, Nine Inch Nails - „The Fragile“.

2000

Deftones созреваат и го достигаат својот врв со„White Pony“. Queens Of The Stone Age не заостануваат многу. Отфрлувај ќи го nu од nu-metal, се враќаат кон корените на движењето, Nirvana.

Други значајни албуми:
Queens Of The Stone Age - „Rated R“, At The Drive-In - „Relationship Of Command“, Amen - „We Have Come For Your Parents“, Marilyn Manson - „Holy Wood (In The Valley Of the Shadow Of Death)“, Lostprophets - „Fake Sound Of Progress“.

2001

Нема расправија за тоа кој е албум на годината. Тоа е „Iowa“ на Slipknot, кои го исчистија подот со конкуренцијата. Новиот албум на Tool покажува нов правец, додека Linkin Park докажува дека во металот сеуште има место за pop. Десет години по „Nevermind“и металот сеуште е прв избор на лево ориентираниот музички фан, првиот повик на повредени (физички или ментално) музичари, и доминанта сила на топ-листите насекаде низ светот.

Други значајни албуми:
Tool - „Lazarus“, Linkin Park - „Hybrid Theory“, Papa Roach - „Infest“, Spineshank - „Height Of Callousness“.