Три члена од едно семејство се опоравуваат откако по грешка изеле Екстази таблетки скриени во чоколатца.

Чоколатцата биле испратени во куќа во Нов Зеланд, но пратката била адресирана до претходниот станар.

Новиот сопственик, учител од педесетина години, го отворил пакетот и ги поделил чоколатцата со двајца роднини.

Полицијата во Твизел вели дека тројката се јавила за помош откако почувствувале "чудни ефекти".

Се верува дека пакетот бил испратен од Велика Британија. Закачената порака гласела: "Мислам дека ќе уживаш во нив. Знам дека ти се омилени!"

Полицајците открија дека 10 од 16 чоколатца биле испразнети и пополнети со Екстази. Некои од таблетите биле завиткани, но некои се измешале со чоколадото.

Шефот на полицијата изјави: "Набргу откако ги изеле чоколатцата, почнале да чувствуваат чудни ефекти, и затоа отвориле некои од другите шупливи чоколатца и откриле мали тркалезни таблетки. Тие беа крајно загрижени, особено бидејќи еден од нив има проблеми со срцето и зема лекови"

Ниту еден од тројцата немал трајни штетни последици. Полицијата вели дека учителот, неговата сестра и зетот нема да бидат обвинети за поседување.

Шефот на полицијата додаде: "Тие дури никогаш не чуле за Екстази. Ова служи како потсетник да се однесуваме кон пакети од странци со претпазливост."