Во сторијава (ама ја ископав, а? ) се протнале две глупости.

Првата е „хадрон е "опасна" субатомска честица“. Хадрон не е никаква опасна субатомска честичка, туку е име за сите елементарни честички кои имаат релативна маса 1. Протоните и неутроните се типични примери за хадрони, иако има и други. За разлика од нив, електроните, на пример, кои имаат нешто помалку од 2000 пати помала маса од хадроните, спаѓаат во лесни субатомски честички, или т.н. лептони.

Втората е „космичките зраци, кои инаку имаат најкратка бранова должина од било кои други“. ТАКАНАРЕЧЕНИТЕ космички зраци (на кои што вообичаено се реферира како на космичко зрачење) не се никакви бранови кои би имале каква било, а не па најкуса бранова должина, туку се рој од многу ситни материјални честички кои патуваат низ вселената со неверојатно голема брзина. До толку се зрнца а не бранови што дури и се забележани и дупчиња кои тие ги направиле - на визирите на вселенските униформи погледнати низ микроскоп. Баш ми е криво што немам некој URL да пратам.