После многу долго време мисе појави чувство да се присетам на одличните, ремек-дело, зборови на најдобриот македонски хип хоп бенд-САФ.

Еве зошто посветувам ум и време за да склопам еден трибут за САФ...

САФ не се неколку копиљаци кои решиле да се соберат во некој подрум да удираат на картони и да рецитираат истовремено снимајки се на касетофон.
Римите на САФ не се досадни и монотони. За разлика од многу македонски рапери на кои можам да предвидам со кој збор ќе заврши уште незавршената реченица, Смилен и Митко имаат вокабулар како Блаже Конески. Не, не седнале на маса со Вујаклија во рака и не почнале да чкрабаат разно разни зборови од 100 долари (очигледно, компарација и мој сленг за добри, интелект термини). Смилен и Пики Сипи добро знаеле што сакаат да кажав во своите стихови. Не шараат без мета, туку во секоја трака се концентрираат на цел која ја комплетираат повеќе од професионално и успешно.
Никој не може подобро да покрие една цела палета сериозни теми почнувајки од политика, до секојдневен живот па до неколку стиха околу тоа што им фали на младите во Македонија.

“Единство нема, идентитетот ни е ПАДНИ СТАНИ“

-дали се случило во нашата историја една личност, институција, артист, спортски тим...да продолжи да реди успеси и да не запре?! Вардар, Кометал, МЗТ(таа година кога догураа ептен далеку во Европа) Македонија...Успеј па посери се!

“за Македонија во кафана со кренати чаши...“
партиоти не се луѓе кои се маваат во гради! патриоти се луѓе...дефинирај сам(разумно и искрено). Денеска мислам дека не постојат ни такви ни “онакви“ патриоти.

САФ многу јасно ги боли фактот дека народот во Македонија е деморализиран и незаинтересиран да просперира во целост. Индивидуалците се гушат во остатокот...медиокритет. САФ сугерираат на сите грешки во нашето општество. Влада, пошироко општество, дијаспора...

САФРА е химна. За САФРА не би сакал да кажам ниту еден збор бидејки се плашам дека тој збор нема да биде доволно добар за да го опише значењето на оваа трака.

САФРА сеуште ми ја ежи кожата и голтам кнедли секоја секунда од тие 4 и кусур минути.

Слушнете, потсетете се. Нема друго што да се каже...т.е има многу, ама не вреди бидејки 90% од младината пре би слушнала нешто трето отколку “некои си рапери што се дерат.“

Според мене, политичарите во Македонија треба да бидат присилени да слушнат неколку од траките на САФ, и сето тоа со надеж дека eventualno ќе станат подобри луѓе.

Каде се САФ сега навистина не знам. Не знам ни дали ќе издадат ново ЦД а ни дали работат на било што.
Смилен е “ѕверот“ кој стамено те гледа во очи и рецитира. Таков човек не се раѓа двапати. Смилен за претседател!!!

текстов е скромен, ама наши сме, се сакаме.

мир.

[Сменето на 2/6/2004 од Robomarket]