Најчесто многумина од нас сакаат паралелно да ги користат и Win2000 и Win98/ME, со тоа што за игри, dvd, пржење cd-а и сл. ќе си го користат Win98/ME, притоа не откажувајќи се од стабилноста и сигурноста на Win2000. Но, како веќе инсталираните програми да си останат инсталирани и употребливи и под двата ОС-а?

Решение е dual boot. Постапката да дојдеш до него е следната...



1) Од самите Win2000 не можеш да го инсталираш WinME, туку ќе мораш да го boot-уваш системот од дискета (со цд драјвери) или од boot-абилно цд (од каде се стартува системот се мести во самиот BIOS).

2) Кога по бутирањето ќе се најдеш во DOS, стартувај ја инсталацијата од Win98/ME цд-то (добро е претоа да вклучиш smartdrv за побрзо копирање) и сними си го Win98/ME на С: партицијата (нормално ВО РАЗЛИЧЕН ФОЛДЕР од оној на Win2000!!!). По инсталацијата на Win98/ME ќе се изгуби boot менито на Win2000 и системот ќе те бутира во Win98/ME.

Следен чекор е враќање на boot менито.

3) Од Win98/ME стартувај ја инсталацијата на Win2000, и НИКАКО НЕ ИЗБИРАЈ Upgrade, туку Clean Install и почекај инсталацијата да заврши. На крај ќе те праша да го рестартуваш компјутерот. Нарави го тоа, само не заборавај да го извадиш инсталациското цд од цд-драјвот!

4) Кога ќе се стартува компјутерот ќе го видиш добро познатото boot мени на кое одбери или Win98/ME или Win2000, но НИКАКО Win2000 Setup!!!

[ЧЕКОРОТ ШТО СЛЕДУВА Е НАЈВАЖЕН!!!]

5) Откако ќе влезеш во WinME или Win2000 (зависно што си одбрал) треба да го избришеш привремениот фолдер $WIN_NT$.~BT, како и двете датотеки кои започнуваат со знакот $ (нешто како $DRVLTR$.~_~ и $LDR$), и на крај пронајди го и отвори го фајлчето boot.ini и во делот [Boot Loader], наместо Default=C:$WIN_NT$...бла-бла... искуцај
------------------------------------------------------------
Default=multi(0)disk(0)rdisk(0)partition(1)WINNT
------------------------------------------------------------

Додека во делот [Operating Systems] избриши ја линијата
------------------------------------------------------------
C:$WIN_NT$.~BTBOOTSECT.DAT="Microsoft Windows 2000 Profesional Setup"
------------------------------------------------------------

6) По овие промени отвори System Properties -> Advanced -> Startup and Recovery и провери дали во делот System startup, под Default operating system ги има имињата на двата OS-а дефинирани во boot.ini (текстот под наводници), додека под Display list of operating systems for [ ] seconds треба биде иста вредност како онаа дефинирана со наредбата timeout во boot.ini фајлот.

7) По овие зафати кога ќе го стартуваш компјутерот ќе ти се појави boot мени со две опции (за двата Windows-а) со називи како што си дефинирал во наводниците и тоа онолку секунди колку што е дефинирано со наредбата timeout (во boot.ini фајлот).

8) Значи добиваш Win2000 и Win98/ME инсталирани на C: партиција, сите програми и се што имаш снимено си останува и можеш да го користиш и во двата система.

Епа тоа е тоа, иако личи сложено, не е баш, па ... со среќа! :)