Ана и Васко планираа да одат на маскембалска забава, но таа имаше главоболка и му рече да оди сам. Тој како добар дечко, одбиваше, ама после расправија, таа рече дека ќе земе аспирин, ќе си легне во кревет да спие, а тој нема никаква потреба да си ја расипе забавата. И така, тој си го зема костимот за маскирање, маската, и отиде.

Кога се разбуди Ана, веројатно после едночасовно спиење, веќе не чуствуваше болка, па реши и таа да оди на забавата, да го изненади Васко, кој не го знаеше нејзиниот костим за маскирање. Си мислеше баш ќе и’ биде интересно некое време да го посматра што прави тој кога таа не е со него.

Пристигна на местото каде што беше забавата, и набрзо го препозна меѓу маскираните, го виде Васко како си поминува многу убаво. Па тој играше со секоја женска во негова близина, и не само тоа, плус гушни една, цмокни друга. Ана љубоморно му се пушти на Васко, реши да си поигрува малку со него, како заводлива мачка, да го излуди. Го провоцираше и дразнеше со секси движења и еротични допири во играњето, но го оставаше во исчекување.

По некое време, таа му дозволи да и’ прави што сака, разбирливо, па тој е нејзин дечко. Тој и’ возвраќаше, радосно ја прифати нејзината игра.
Најпосле, возбуден, не можејќи повеќе да се воздржува, тој и’ шепна да одат во кола, а таа се согласи, и го одведе во нејзината. Имаа одличен секс.

Утредента Ана се смешкаше. Немаше главоболка. Си лежеше и си читаше кога Васко дојде кај неа. Весела и насмеана, го праша како си помина на маскембалската забава?

„Па знаеш и сама, мене не ми е добро кога ти не си со мене.“ - рече тој.

Потоа таа го праша „а играше ли многу?“

„Не, ич, не ми се играше, веќе ти реков дека не ми беше убаво на забавата.“

Што ли збори, си помисли таа, а тој продолжи да и’ кажува.

„Кога стигнав таму се најдов со Јоцо, Игор, и некои други дечки, па отидовме до кај Сашо и се картавме кај него цела вечер се коцкавме. Ама нема да ти се верува што му се десило и како супер си поминал дечкото на кој што јас му го позајмив костимот за маскембал...“