Правото на пензија ќе го имаат сите невработени мајки, а ќе го стекнат откако ќе навршат 62 години, а не откако ќе го родат четвртото дете. Веднаш по раѓањето на четвртата рожба, мајката секој месец 15 години ќе добива родителски додаток во висина од 70 отсто од просечната плата исплатена по вработен во претходната година - објаснува Душко Миновски, државен секретар во Министерството за труд и социјала. Првите пензионерки по оваа основа може да се очекуваат за 15 до 20 години. За раѓање трето дете додатокот ќе изнесува половина од просечната плата, а ќе се прима 10 години, а за второ дете мајката девет месеци ќе прима 30 отсто од просечната плата. Во мај годинава просечната плата изнесуваше 15.727 денари. Оваа бенефиција ќе им следува на сите мајки, без разлика на нивниот статус - дали се вработени или невработени. Единствен услов ќе биде да живеат во општина каде што природниот прираст е помал од 2,1 дете по жена.
http://dnevnik.com.mk/?ItemID=F15BD45FB474EC4F86CAC4F3640BA138